Prokurorja Manjola Kajana është kofirmuar në detyrë nga Komisioni I Posaçëm I Apelimit të Vettingut. Kajana është zgjedhur si një nga prokurorët e SPAK dhe tashmë me konfirmimin e saj në detyrë numri I prokurorëve në këtë institucion të rëndësishëm të drejtësisë së re shkon në 13. Manjola Kajana e kishte kaluar procesin e parë të vettingut por Komisioneri Publik e kishte ankimuar vendimin me pretendimin se hetimi i Komisionit të Pavarur të Kualifikimit nuk ishte i plotë. Komisioni I Posaçëm I Apelimit ka vendosur ta konfirmojë në detyrë prokuroren Kajana, pasi Komisioneri Publik është tërhequr nga kërkesa e tij. “Gjatë parashtrimit të konkluzioneve përfundimtare, Komisioneri Publik u shpreh se aktet e administruara përmbushin nevojat e hetimit dhe bazuar në to, nuk provohet që subjekti i rivlerësimit, znj.Kajana, të ketë qenë në kushtet e konfliktit të interesit gjatë ushtrimit të funksionit të magjistratit dhe po ashtu, denoncimet e ardhura në adresë të saj, nuk kanë gjetur asnjë mbështetje ligjore.