Komandanti, qeni i presidentit amerikan Joe Biden, ka kafshuar agjentët e shërbimit sekret amerikan në të paktën 24 raste. Të dhënat e shërbimit sekret, tregojnë se sa kaos ka shkaktuar pastori gjerman tek truprojat e presidentit. Një agjent i lartë, thotë se këto incidente me qenin kanë detyruar shërbimin sekret të ndryshojë taktika, duke i këshilluar agjentët të rrisin distancën. Paralajmërimi u dha disa muaj para se komandanti të largohej nga shtëpia e bardhë. Dokumentet u publikuan në kuadër të kërkesave për liri informacioni dhe u postuan online. Ato janë redaktuar për të mbrojtur identitetin e agjentëve të shërbimit sekret dhe fshehtësinë e taktikave të tyre të sigurisë. Dokumentet tregojnë të paktën 24 incidente kafshimi të ndodhura nga tetori 2022 deri në korrik 2023, përfshirë këtu pjesëtarë të shërbimit sekret të kafshuar në krah, parakrah, shpatull etj. Sidoqoftë komandanti nuk duhet të ketë patur në shënjestër vetëm pjesëtarët e shërbimit sekret, por edhe të tjerët që punojnë në shtëpinë e bardhë apo stafin në Camp David në Merilend. Qeni i familjes Biden u largua nga shtëpia e bardhë në tetor të vitit të kaluar, një javë pasi një agjent i shërbimit sekret u detyrua të kërkonte trajtim mjekësor pas një kafshimi të fortë.