Pasagjerët bënë telefonatat e fundit me të dashurit përpara rrëzimit tragjik të avionit, ndërsa po mblidhen dëshmi se mbrojtja ajrore ruse goditi avionin e Azerbajxhanit. Avioni Embraer ka të ngjarë të jetë shënjestruar gabimisht si një dron i dyshuar ukrainas nga një raketë tokë-ajër Pantsir-S1 e lëshuar nga distrikti Naurski i Çeçenisë. Dëmtimi i dukshëm i copave të avionit, me pjesën e pasme të paprekur, është në përputhje me një goditje të tillë. Edhe rrëfimet e pasagjerëve të mbijetuar folën për një shpërthim jashtë avionit. Në kohën kur avioni kërkonte të ulej siç ishte planifikuar në Grozny të Çeçenisë, në krye të të cilit është aleati i ngushtë i Putinit, Ramzan Kadyrov, rajoni ishte sulmuar nga ukraina, në disa raste. Dyshohet që forcat e kadirovit kanë qëlluar me një raketë Pantsir S1 drejt avionit. Një publikim i pjesshëm i komunikimeve të supozuara midis pilotëve dhe kontrollit të trafikut ajror tregon një ngjarje katastrofike që ekuipazhi supozoi ndoshta gabimisht, se ishte një përplasje me një tufë zogjsh. Duke luftuar për të kontrolluar avionin me 67 persona në bord, pilotët në bord kërkuan ndihmë. Në orën 8.12 minuta, ekuipazhi raportoi se dy sistemet GPS u humbën dhe kërkoi udhëzime për tu kthyer në aeroportin nga ku ishte ngritur, në baku, pas mbylljes së papritur të aeroportit të Groznit.