Situata nga përmbytjet e shkaktuara nga dalja e Vjosës në qarkun e Fierit është drejt përmirësimit, ndërkohë që dëmet e shkaktuara nga vërshimet e Semanit dhe të Shkumbinit më në veri të këtij qarku janë gjithashtu të mëdha. Autoritetet nuk kanë ende një bilanc, as paraprak nga përmbytjet e shkaktuara nga Semani në zonën e Mbrostarit, që është edhe zona më e prekur. Uji ka përmbytur në këtë zonë jo vetëm tokat bujqësore të fermerëve, tek blegtorët por dhe ekonomitë e tyre përsa u përket dëmeve në bazën ushqimore të bagëtive, apo vetë bagëtitë. E njëjta situatë paraqitet edhe në zonat e tjera të përmbytura nga Semani si në Grecalli, Mujalli , Belinë dhe Petovë.