Pas SHBA, edhe Gjermania i ka dërguar një ultimatum Bullgarisë të heqeë veton ndaj Maqedonisë së Veriut, e cila po mban peng edhe hapjen e negociatave me Shqipërinë. Ministri gjerman Michael Roth i kërkon Bullgarisë që të heqë veton për Maqedoninë dhe rrjedhimisht do të zgjidhte ngërçin edhe për vendin tonë. Thirrjët nga Uashingtoni dhe Berlini vijnë një ditë përpara se në Bruksel të zhvillohet mbledhja e këshillit për çështjet e përgjithshme të BE-së, ku mes tjerash do të bisedohet edhe për zgjerimin. “Në temën e zgjerimit të BE-së bëhet fjalë për besueshmërinë e BE-së në Ballkanin Perëndimor. Në dritën e zgjedhjeve të mbajtura në Bullgari, tani është shumë me rëndësi që udhëheqësit bullgarë të përmbushë obligimin evropian dhe të hapë rrugën për konferencën e parë ndërqeveritare me Maqedoninë dhe Shqipërinë”, ka deklaruar Roth.