NATO duhet të evitojë një konfrontim direkt ushtarak me Rusinë që mund të conte në një luftë të tretë botërore – tha kancelari gjerman Olaf Scholz në një intervistë për Der Spiegel kur u pyet për dështimin e gjermanisë për të dërguar armë të rënda në Ukrainë. Scholz po përballet me kritika në rritje në vend dhe jashtë tij për faktin që qeveria e tij po heziton të dërgojë armë të rënda fushë-beteje, si psh tanket dhe Hobitzerat, në Ukrainë, për ta ndihmuar vendin të zbrapsë sulmet ruse, edhe pse aleatë të tjerë perëndimorë kanë shtuar dërgesat. I pyetur në një intervistë të gjatë, të publikuar të premten, përse ai mendonte se dërgimi i tankeve në ukrainë mund të conte në një luftë bërthamore, ai tha se nuk kishte një rregull të shkruar që përcakton se kur gjermania mund të konsiderohet një palë në luftën në Ukrainë. “Prandaj është e rëndësishme që ne të vlerësojmë cdo hap me shumë kujdes dhe të koordinohemi ngushtë me njëri tjetrin. Evitimi i një përshkallëzimi drejt NATO-s është një prioritet kryesor për mua” tha ai. “Ndaj edhe unë nuk fokusohem tek sondazhet dhe as nuk e lë veten të acarohem nga zërat e ndryshëm. Pasojat e një gabimi do të ishin dramatike”. Kjo, sidoqoftë përbën një kthesë në deklaratat e mëparshme të kancelarit, mbi temën, pasi më herët fokusohej tek fakti që rezervat ushtarake të gjermanisë ishin shumë të vjetëruara për tu dërguar në luftime dhe armët e rënda të betejës, që industria gjermane ka thënë se mund të ofrojë, nuk mund të vihen lehtësisht në përdorim.