Presidenti rus Vladimir Putin do të mungojë në funeralin e liderit të fundit sovjetik, Mikhail Gorbacov, duke i mohuar kështu njeriut që dështoi të parandalonte kolapsin e perandorisë sovjetike nderet e plota shtetërore që iu dhanë Boris Yeltsinit. Gorbacov, adhurohet në perëndim pasi lejoi evropën lindore të dilte nga kontrolli komunist sovjetik, por nuk është i preferuar në rusi për shkak të kaosit që reforma e tij perestroika, shkaktoi. Ai do të varroset të shtunën pas një ceremonie publike në hollin e kolonave në Moskë. Holli, me pamje nga Kremlini, mban në fakt varret e liderëve sovjetikë, Vladimir Lenin, Jozef Stalin dhe Leonid Brezhnev. Gorbacov do të ketë nderime ushtarake, por funerali i tij nuk do të jetë shtetëror. Televizioni shtetëror rus tregoi një ditë më parë Putinin që vendoste një tufë me trëndafila të kuq pranë arkivolit të Gorbacovit, që ishte lënë i hapur sipas traditës në rusi, në spitalin e moskës ku ai u nda nga jeta në moshën 91 vjecare. Putin bëri shenjën e kryqit ortodoks dhe më pas preku lehtë arkivolin. Fatkeqësisht, puna e presidentit nuk do ta lejojë atë të jetë i pranishëm në ceremoni më 3 shtator – tha zëdhënësi Dmitry Petrov para gazetarëve.