Sipas Pistorius, objektivi i rënë dakord mes vendeve të NATO-s për të investuar të paktën dy për qind të prodhimit të brendshëm bruto kombëtar në mbrojtje mund të duhet të rishikohet, për ta rritur atë: "Mund të ndodhë që ne të arrijmë tre ose edhe 3.5 për qind." Kjo varet nga ajo që ndodh në botë”. Sipas ministrit, është e rëndësishme të kesh fonde të mjaftueshme. Vetë Gjermania ka përcaktuar tashmë një fond special për Bundesverin, ushtrinë e saj dhe thuhet se këtë vit, objektivi për shpenzimin e 2 për qind të produktit të brendshëm bruto për mbrojtjen, ëhstë realizuar. Por ky fond special mund të mbarojë shpejt. "Nuk e di nga do t'i marrim paratë, por na duhen" – tha Pistorius. Edhe pse investimet në arsim dhe infrastrukturë janë gjithashtu të nevojshme, pa siguri gjithçka është "asgjë”, shtoi ai. Pistorius ndërkohë mbështeti edhe ndihmën ushtarake për Ukrainën.