Mbledhja e kryesisë së Partisë Demokratike u shoqërua me debate të forta dhe përplasje. Pas njoftimit të protestës kombëtare, demokratët diskutuan me dyer të mbyllura për aksionin politik. Por burime bën me dije se anëtari i Kryesisë Ervin Salianji, njëherësh një nga zërat më kritik të Berishës, për situatën në të cilën ndodhet PD, kërkoi dorëheqjen e sekretarit të përgjithshëm Flamur Noka. Por Noka e akuzoi atë se me këtë lëvizje po o shërben socialistëve, “Jep dorëheqjen Flamur, e pafalshme gabimi me Avokatin e Popullit dhe shkatërrimi i partisë, dil tako demokratët nëse i takon dot”, mësohet të këtë thënë Salianji. Burimet bëjnë të ditur se përgjigja ndaj Salianjin ka qenë për ta bërë analizën brenda strukturave të partisë dhe “të mos dalë anash”. Por në përfundim të mbledhjes si Salianji ashtu dhe Noka nuk pranuan të komentonin debatin mes tyre.