Sheshi “Nënë Tereza” do të kthehet në hapësirën më të madhe dedikuar sportit për tre ditë rresht. Në kuadër të “Tirana kryeqyteti Sportit” Bashkia Tiranë organizon më 28, 29 dhe 30 shtator “Javën Evropiane të Sportit”, duke sjellë një sërë hapësirash dedikuar disiplinave të ndryshme sportive, nutricionizëm, teknologji, mjekësi sportive, sport për mendjen për të gjitha grupmoshat. Të gjithë personat e apasionuar pas sportit do të mund të ndjekin sportistë dhe specialist të fushës të cilët do të flasin për sportin, ndërkohë që një vend të veçantë do të zërë dhe “Jetesa, ushqimi i shëndetshëm dhe sporti shkollor”.