Gjendja shëndetësore e kryepeshkopit të Shqipërisë, Anastas Janullatos është përkeqësuar gjatë orëve të fundit. Ai u transportua për kurim të specializuar mesditën e të premtes drejt Athinës ku ndodhet i shtruar në spitalin “Evangelismos”. Por mediat greke raportojnë se shëndeti i kryepeshkopit është përkeqësuar akoma më shumë mbrëmjen e të shtunës, ndërsa ekipi mjekësor i spitalit, i drejtuar nga profesoresha e Pulmologjisë dhe Kujdesit Intensiv, Anastasia Kotanidou, vijon monitorimin e tij. Sipas CNN Grecce, gjendja e tij shëndetësore, pavarësisht historisë tashmë të rënduar mjekësore, konsiderohet e qëndrueshme dhe monitorohet nga afër nga ekipi mjekësor i Spitalit. Janullatos prej datës 30 dhjetor u shtrua në spital. ai po merrte ndihmë mjekësore në një spital në Tiranë, poër për shkak se situata u rëndua akoma më shumë u dërgua me urgjencë me një avion të Forcave Ajrore drejt spitalit të Athinës për trajtim më të specializuar.