Trupi i manjatit britanik të teknologjisë Mike Lynch u nxorr të enjten nga jahti që u mbyt në fillim të kësaj jave në brigjet e Siçilisë gjatë një stuhie të dhunshme, tha një burim i afërt me operacionin e shpëtimit. Vajza 18-vjeçare e Lynch, Hannah, është ende e pagjetur, tha burimi. Trupat e katër personave të tjerë që u zhdukën kur anija përfundoi në fund të detit u gjetën po ashtu të mërkurën. Bayesian me flamur britanik, një superjaht 56 metra i gjatë me 22 pasagjerë dhe pjesëtarë ekuipazhi në bord, u ankorua në portin e Porticellos, pranë Palermos, kur u zhduk nën ujë brenda pak minutash pasi u godit nga një vorbull uji. Lynch, 59 vjeç, ishte një nga sipërmarrësit më të njohur të teknologjisë në Mbretërinë e Bashkuar dhe kishte ftuar miqtë e tij t'i bashkoheshin në jaht për të festuar mbylljen e një gjyqi të madh mashtrimi në SHBA.