Javët e fundit, admirali Xhuzepe Cavo Dragone, ka kontrolluar manovrat e anijeve ruse në detin Mesdhe ku duket se po zhvillohet një luftë e ftohtë e vërtetë. “Në Mesdhe, ka një përballje të vazhdueshme. Nuk ekziston më ideja e vjetër e paqes: kalohet direkt nga konkurenca në krizë që rrezikon të shndërrohet në konflikt”, thotë ai në një intervistë për la Republica-n. Ai sqaron më pas për gazetën edhe cfarë ka ndodhur në detin Adriatik. “Ishte një operacion patrullimi, i kundërshtuar menjëherë nga ndërhyrja e marinës sonë. Nuk ishte një përballje mes NATO-s dhe Rusisë, apo mes amerikanëve apo rusëve...në ato ujëra ishte edhe aeroplanmbajtësja Truman që vepron nën komandë amerikane. Por ishin forcat italiane ato që morën masa”, thotë ai. Kështu, kur komanda e skuadrës detare u vendos në dijeni të lëvizjeve ruse, admirali Aurelio De Carolis mobilizoi njësitë më të afërta dhe urdhëroi atë që u quajt një operacion kërkimi. Në lëvizje u vendosën dy fregatat më moderne të flotës italiane. Njëra në ndjekje të kryqëzorit rus Admirali Tributs dhe tjetra në ndjekje të Varyag. Avionët e aeronautikës në anën tjetër i mbikqyrnin nga qielli.