Kryeministri izraelit Benjamin Netanyahu ka hedhur poshtë sërish thirrjet për të ndalur ofensivën ushtarake në Gazë ndërsa është zotuar se ‘punënta çojë deri në fund’. Sakaq qeveria e tij ka kërcënuar me pushtim të qytetit jugor të Gazës, Rafah, nëse pengjet e mbetura izraelite në duart e Hamasit, nuk lirohen deri në nisjen e muajit të shenjtë të Ramazanit, që nis me 10 mars. Qeveria izraelite nuk i ka diskutuar publikisht afatet kohore për ofensivën tokësore në Rafah, ku janë strehuar më shumë se 2.3 milionë palestinezët e ikur prej pjesëve tjera të Gazës. Shtetet e Bashkuara, aleatet kryesore të Izraelit, janë duke shpresuar ende në arritje të armëpushimit dhe marrëveshje për pengjet. Si pasojë e sulmeve mes dy vendeve janë vrarë 1.200 izraelitë dhe qindra tjerë janë marrë peng. Izraeli ka treguar qartë se kundërshton thirrjet e SHBA-së për të gjetur një zgjidhje me dy shtete, edhe një pjesë e mirë e komunitetit ndërkombëtar mbështet një shtet të pavarur palestinez.