Ministrat izraelitë thonë se 22 vendbanime të reja hebraike janë miratuar në Bregun e okupuar Perëndimor, zgjerimi më i madh ky në dekada. Disa prej tyre ekzistojnë tashmë si poste të avancuara, të ndërtuara pa autorizimin e qeverisë, por tani do të bëhen të ligjshme sipas ligjit izraelit, thanë Ministri i Mbrojtjes Israel Katz dhe Ministri i Financave Bezalel Smotrich. Çështja e vendbanimeve - të cilat shihen gjerësisht si të paligjshme sipas ligjit ndërkombëtar, megjithëse Izraeli e kundërshton këtë - është një nga fushat më të diskutueshme të mosmarrëveshjes mes Izraelit dhe palestinezëve. Katz tha se ky veprim "parandalon krijimin e një shteti palestinez që do të rrezikonte Izraelin", ndërsa presidenca palestineze e quajti atë një "përshkallëzim të rrezikshëm". Organizata mbikëqyrëse izraelite kundër vendbanimeve ‘Peace Noë’ tha se vendbanimet e reja do të "riformësojnë në mënyrë dramatike Bregun Perëndimor dhe do të forcojnë pushtimin edhe më tej".