Izraeli aplikoi censurën ushtarake duke ndaluar publikimin e dëmeve të shkaktuara nga bombardimet iraniane gjatë luftës 12-ditore. Autoritetet në Tel Aviv zyrtarisht kanë raportuar vetëm dëme në zonat civile, por sulmet iraniane kanë shkaktuar dëme të mëdha në infrastrukturën e tyre ushtarake. The Telegraph ka analizuar të dhënat e siguruara përmes disa burimeve, si dhe pamjet e kufizuara satelitore nga bazat ushtarake. Sipas medias britanike, Irani ka shkatërruar plotësisht, ose pjesërisht disa baza ushtarake në veri të Izraelit, dy aeroporte ushtarake, sisteme radarësh dhe pesë godina të shërbimeve sekrete dhe të Ministrisë së Mbrojtjes izraelite.