Ngjarja e rëndë e vrasjes së dy bashkëshortëve në mënyrë makabër nga një vajzë shqiptare, që ka qenë e dashura e djalit të ciftit është komentuar për shumë ditë nga mediat italiane. Por, ndaj tyre ka reaguar shqiptarja shqiptare Denata Ndreca, një letër e së cilës është publikuar në gazetën italiane Corriere Della Sera, me titullin “Mos e gjykoni vendin tonë”. Ky shkrim vjen si një lloj peticioni dhe thirrje për të pavërtetat e shkruara së fundmi për popullin shqiptar, duke u nisur nga rasti i çiftit të bashkëshortëve trupat e të cilëve u gjetën në katër valixhe. Bëhet fjalë për çiftin Pasho dhe ngjarja e rëndë është zbuluar në Firence ku edhe Denata jeton prej vitesh. Disa nga mediat italiane kanë abuzuar me shkrimet e tyre duke e cilësuar këtë ngjarje si pjesë të kulturës dhe traditave shqiptare. Ndaj për këtë arsye Denata i ka drejtuar një letër kryetarit të bashkisë Nardela. Prej vitesh Denata është e angazhuar me çështjet e të drejtave të njeriut dhe po ashtu bashkëpunon me gazeta të ndryshme në Itali. “Nuk është hera e parë që flitet për popullin shqiptar, por kur e shkruan media është e pa pranueshme. Jemi të varfër, por me tradita dhe kulturë të pasur. Këto fjalë nuk i kanë pëlqyer komunitetit tonë. Eshtë bërë një sinjalizim të gjitha gazetave të Toscanas që të mos flasin pa baza dhe të mos cënojnë të tjerët. Nuk mund të lidhin “besën” me “mafian shqiptare”. Para se të flasësh për një vend duhet të informohesh mirë. Unë respektoj vendin ku linda si edhe vendin ku po jetoj. Firenze është një qytet i mrekullueshëm, por i vështirë kohët e fundit.