Një dokument i siguruar nga Gazeta “Shqip” i firmosur nga drejtoresha e ISHP-së, Albana Fico shpreh shqetësim në adresë të ministrisë së Shëndetësisë për pamundësinë që ka institucioni që ajo drejton, me mungesën e kapaciteteve për të kryer testime masive në popullatë ne funksion të qytetarëve që duan të udhëtojnë jashtë vendit tashme qe kufijte do t’i hape edhe be. I vetmi institucion zyrtar që realizon testimet është pikërisht ISHP-ja, një institucion në varësi të ministrise se shendeteise. ISHP ka në misionin e vet i ben këto testime për efekt shëndetësor të popullatës dhe jo për efekt dokumentacioni në shërbim të popullatës. Po ashtu ISHP nuk është konceptuar të ketë pajisje dhe infrastrukture që të përballojë një ritëm të tillë për t’iu përgjigjur nevojave të shqiptarëve, pra testime edhe për dokumentacion. Kapacitetet e ISHP janë të kufizuara dhe këto e pranon vetë Fico në shkresën e saj. Dokumenti i ISHP-së për mungesën e survejancës është një kambanë alarmi për ministrinë e Shëndetësisë, dhe do te thote që Shqipëria, ka nevojë për kapacitete testuese, përtej kapaciteteve aktuale të ISHP-së. Për këtë, Qeveria duhet fillojë procesin e zgjerimit dhe hapjes së shërbimit të testimeve përtej ISHP-së, duke perfshire edhe sherbimin spitalor privat. Këtë e pranon në shkresën e saj dhe vetë ISHP e jo vetëm opozita.