Ish-zëvendëspresidenti i SHBA-ve, Mike Pence mbërriti këtë të enjte në Shqipëri, ku zhvilloi njw vizitw tek kampi Ashraf 3 në Manëz të Durrësit, ku janë strehuar rreth 3 mijë anëtarë të opozitëës iraniane MEK. Pence vizitoi muzeun e rezistencës iraniane, në përpjekjen drejt lirisë të ngritur brenda ambjenteve të kampit, ndërsa u përcolli anëtarve të opozitën mbështetjen e popullit amerikan. Gjatë vizitës, zyrtari i lartë tha se SHBA është shtëpia kryesore e diasporës së Iranit dhe se gjithnjë do mbetet toka e lirisë. ''Ne i bëjmë thirrje administratës Biden të tërhiqet nga të gjitha negociatat nukleare me Iranin dhe të mos lejojë regjimin e tiranëve të vijojë me programet bërthamore në Iran. Populli amerikan është shumë i fortë dhe qëndron në mbështetje të lirisë. Shpresa jonë është një element inkurajimi. Pas errësirës vjen drita. Regjimi në Iran nuk ka qenë kurrë më i dobët se sot dhe po e mban pushtetin me dhunë. Bashkohem me vuajtjet tuaja dhe udhëheqësi aktual i Iranit duhet të procedohet për krimet dhe genocidin e kryer në Iran.'' Nga kampi i muxhahedinëve Pence deklaroi se administrata e sotme e Joe Biden po cenon progresin e asaj që ata kanë bërë për lirinë e Iranit. Ai deklaroi se Biden ka bashkëpunuar ngushtësisht me Rusinë për programin nuklear të Iranit, ndërsa shtoi se marrëveshja e re do të pasurojë regjimin e korruptuar dhe do të torturojë popullin e Iranit.