Prokuroria e posaçme kërkoi dënimin me 1 vit burg për kandidatin për deputet te LSI në zgjedhjet parlamentare të 25 prillit, Etjon Joka, i cili u filmua teksa jepte para ne këmbim të shitblerjes së votave. E njëjta masë me 1 vit burg është është kërkuar edhe për Elis Babon, personi që kishte kryer filmimin dhe të cilit i janë dhënë paratë nga Joka. Në pamjet filmike të transmetuar më 23 prill në televizionin Top Neës, shfaqeshin dy shtetas, të cilët pas hetimeve rezultuan të ishin të pandehurit Elis Babo dhe Etion Joka, ky i fundit kandidat për deputet në Qarkun e Tiranës, si përfaqësues i forcës politike Lëvizja Socialiste për Integrim, i renditur në numrin rendor 22 në listën shumë emërore. Po nga pamjet filmime dukej qartësisht sesi Etion Joka, i premton dhe i jep shuma parash Elis Babos, për të siguar vota.