Gjykata e Posaçme rrëzoi kërkesën e ish gjyqtares së Elbasanit, Pajtime Fetahu, që kërkoi zbutje të masës së sigurisë. Ndaj ish gjyqtares janë në fuqi dy masa sigurie për dy dosje të ndryshme. Masa e parë është ajo e arrestit të shtëpisë, që u vendos ndaj saj për me akuzat e korrupsionit, ndërsa masa e dytë është ajo e arrestit me burg për dosjen e Suel Çelës. Në këtë dosje, ish gjyqtarja e Elbasanit del në komunikimet SKY në biseda të vazhdueshme me Suel Çelën. Ish-gjyqtarja Pajtime Fetahu dyshohet se mund të ketë lidhje me historitë kriminale të vëllezërve Franc dhe Hajdar Çopja. Sipas njoftimit të SPAK, Fetahu u ka dhënë vëllezërve informacione sekrete. Ish-gjyqtarja sipas SPAK dyshohet se mori 11 mijë euro, një monedhë floriri dhe priste edhe një aparat celular nga anëtarë të grupit kriminal “Çopja”.