Komandantë nga rojat revolucionare islamike të Iranit dhe grupit Hezbollah, në liban, janë në terren në jemen duke ndihmuar në kryerjen e sulmeve të rebelëve Houthi mbi anijet tregtare në detin e kuq. Irani, që ka armatosur, trajnuar dhe financuar huthit, ka rritur furnizimet me armë për milicinë në kuadër të luftës në gaza. Teherani i ka siguruar dronë të avancuar, raketa kruiz anti anije, raketa balistike me precizion të lartë dhe raketa me rreze të mesme veprimi lëvizjes Huthi, e cila ka filluar të marrë në shënjestër anijet tregtare në nëntor, në shenjë solidariteti me palestinezët në gaza. Komandantët e rojave revolucionare dhe këshilltarët e tyre po ofrojnë njohuri, të dhëna dhe inteligjencë për të përcaktuar se cilat prej dhjetëra anijeve që udhëtojnë përmes detit të kuq cdo ditë janë të drejtuara për në Izrael dhe përbëjnë një shënjstër për Huthit. Uashingtoni tha muajin e kaluar se Irani ishte përfshirë në planifikimin e operacioneve kundër anijeve ndërkombëtare në detin e kuq dhe se të dhënat e tij të inteligjencës ishin të domosdoshme për ti mundësuar Huthive goditjen e anijeve. Irani ka mohuar të jetë i përfshirë në sulmet në detin e kuq ndërkohë që edhe një zëdhënës i huthive nuk pranoi përfshirjen e iranit apo hezbollahut në sulmet e tij. Huthit, që u shfaqën në vitet 1980 si një grup i armatosur që kundërshton ndikimin fetar sunit të arabisë saudite në jemen, thonë se mbështesin hamasin përmes sulmeve mbi anijet tregtare që sipas tyre janë të lidhura me izraelin ose janë drejtuar për në portet izraelite. Sulmet e tyre kanë prekur tregtinë globale përmes azisë dhe evropës. Kjo ka bërë edhe që SHBA dhe Britania të ndërmarrin sulme ajrore mbi shënjestrat e Huthive në jemen, duke hapur një teatër të ri konflikti të lidhur me luftën në Gaza.