Revista greke ‘Manifesti’, i ka kushtuar një artikull ish-kryeministrit Sali Berisha, me të cilin ka zhvilluar një intervistë gjatë vizitës së këtij të fundit në Athinë, në kuadër të turit të takimeve me diasporën shqiptare. Edhe pse 81 vjeç, Berisha shkruan ‘Manifesti’ ai ndihet plot energji e motivim për të vijuar kundër asaj që e konsideron si narkoshtet. Berisha thekson për revistën greke se një pikë e programit të tij është futja e mësimit të gjuhës shqipe për shqiptarët në Greqi. “Ai theksoi se do të përpiqet të bashkëpunojë me qeverinë greke për çështjen e gjuhës shqipe për të gjetur mundësi që do të paguajmë si shtet për mësuesit ose çdo gjë që është e nevojshme për t'i ndihmuar (bashkëatdhetarët e tij) të shpëtojnë gjuhën dhe kulturën e tyre në disa aspekte.”, shkruan revista ‘Manifesti’ Në intervistën dhënë për medien greke, Berisha është ndalur edhe tek marrëdhëniet e tij me PArtinë DEmokracia e Re.