Vendimi I Komisionit Evropian për të ndarë Shqipërinë nga Maqedonia e Veriut gjatë procesit të integrimit, ka nxitur polemika në Shkup. Partia opozitare LSDM akuzoi qeverinë se po rrezikon të ardhmen e vendit pasi nuk ka një strategji zhvillimi. “Mickoski e vë vendin në një rrezik të madh të bllokadave të reja në të ardhmen, ri-bilateralizon mosmarrëveshjet që janë zgjidhur dhe qëllimisht e fut Maqedoninë më thellë në baltën ballkanike. Fatkeqësisht, Shqipëria së shpejti do të jetë perëndimi për ne. Ndarja me Shqipërinë mbart gjithashtu rreziqe të mëdha dhe një të ardhme të panjohur dhe të paparashikueshme për vendin. Me këtë vendim të Mickoskit dhe VMRO-DMNE-së na mbetet vetëm të presim më shumë dëbime, stagnim ekonomik dhe ndalim të plotë të zhvillimit të përgjithshëm të shtetit”, tha LSDM. Por për partinë në pushtet, faji nuk është I saj por I LSDM, që sipas VMRO-DPMNE, e zhyti vendin në krim gjatë kohës që ishte në pushtet. “LSDM gëzohet që Maqedonia ka ngecur. LSDM-ja punoi shumë që fillimisht të futej në të njëjtin kosh me Shqipërinë, e më pas të na kalojë Shqipëria. LSDM me vetëdije po punon që Maqedonia të mbetet e mbërthyer, duke filluar nga marrëveshjet e nënshkruara nga Zaev, duke përfunduar me krimin dhe korrupsionin që mbretëroi 7 vite me LSDM. Besimi 2% në drejtësi, shëndetësia dhe arsimi i shkatërruar, LSDM shkatërroi sistematikisht shtetin”, deklaroi