Inflacioni zbriti nën 5 për qind për herë të parë pas më shumë se një viti. Të dhënat e INSTAT tregojnë se çmimet u rritën me 4.6 për qind në muajin prill, krahasuar me të njëjtën periudhë të një viti më parë. Grupi që udhëheq rritjen në terma vjetorë mbeten ushqimet dhe pijet joalkoolike me 9.6 për qind, një ulje me gati 5 për qind në krahasim me të dhënat e muajit mars. Ndërkohë, ulja e çmimit të naftës ka ulur edhe çmimet në transport. Sipas INSTAT, në prill në grupin e transportit çmimet pësuan rënie me 0.7 për qind në krahasim me prillin e vitit të kaluar. Transporti është i vetmi grup me vlera negative në prill, ndërsa rritja më e lartë vërehet te grupi i ushqimeve dhe pijeve joalkoolike, ndjekur nga moblijet, pajisjet shtëpiake dhe mirëmbajtje të shtëpisë. Në inflacioni shënoi vlerën e 5.3 për qind.