Autoritetet indoneziane njoftuan se kanë gjetur vendin ku besojnë se u rrëzua avioni i pasagjereve Boeing 737, menjëherë pas ngritjes nga kryeqyteti i vendit Xhakarta të shtunën. Avioni i Sriwijaya Air kishte 62 persona në bord kur u zhduk nga radari katër minuta pas ngritjes në ajër. Mes tyre kishte edhe tre foshnje. Të afërmit ishin të mbledhur në aeroport, e të shqetësuar, disa prej tyre shpërthyen në lot. Vendi i rrëzimit u diktua falë gjurmimit të sinjaleve nga deti që mendohet të jenë prej kutive të zeza të avionit. Më shumë se 10 anije tani janë në kërkim. Pjesë trupash dhe cope avioni janë gjetur në zonë, ndërsa hetuesit jane duke I verifikuar. Përpjekjet e kërkimit dhe shpëtimit u pezulluan brenda natës por rifilluan herët në mëngjes. Katër avionë janë përfshirë gjithashtu në përpjekjet e kërkim-shpëtimit. Zona ku ndodhi fatkeqësia është pranë vendit ku në 2018 u rrëzua një avion tjetër. Nga ai aksident humbën jetën 189 persona, ndërsa mjeti ajror i Lion Air u zhyt në det rreth 12 minuta pas ngritjes në ajër. Kjo ishte një nga dy përplasjet që detyruan rregullatorët të tërhiqnin nga përdorimi Boeing 737 Max. ky model I rinisi fluturimet vetëm dhjetorin e këtij viti pas një riparimi të sistemeve.