Administratoria e shoqërisë koncesionare të Zonës së Trajtimit të Mbetjeve në Tiranë, IEBV, Ariola Kodra I ka hedhur poshtë akuzat e zyrtarëve të partisë Demokratike duke deklaruar qartazi se impianti i Sharrës nuk është një investim shtetëror, por investim nga koncesionari. Kodra pohoi për Neës24 se kapaciteti i landfillit të kryeqytetit shkon deri në 1400 ton mbetje në ditë ndërkohë që bashkia e Tiranës prodhon deri në 700 ton mbetje në ditë. Ajo sqaroi më tej, se parametrat mjedisorë në zonë brenda dy vjetësh kanë ndryshuar dukshëm dhe kjo sipas saj, është dicka që mund të vërtetohet nga shifrat zyrare të matjeve mjedisore. “ Parametrat kanë lëvizur e kjo është e dukshme dhe lehtësisht e vërtetueshme”, tha Kodra. “ Uji, ajri dhe analizat e këtyre parametrave, kafshët që ne kemi marrë pranë kësaj zone pasi do të kthehet në një park, ku qytetarët do të vijnë dhe do të kalojnë kohën e tyre të lirë. Në 3 muajt në vijim do të bëhet dhe kapsulimi dhe bonifikimi i tërë zones. Mund të themi që kemi një Tiranë më të pastër falë punës sonë dhe bashkëveprimit të qeverisë Shqiptare dhe bashkisë Tiranë lidhur me këtë projekt”, ka nenvizuar ajo. Dhe për të provuar ato që deklaroi, administratorja I ftoi personat që kanë lëshuar akuzat ta vizitojnë zonën nga afër. Duke iu referuar mbetjeve të Durrësit, ajo theksoi se qenë bashkia e këtij qytetit që ka kërkuar t`I sjellë ato në Sharrë, kërkesë e kjo e cila është pranuar nga shoqëria. Ajo shtoi se shoqëria koncesionare të gjitha investimet e projektit i bën me kostot e veta. E vetmja tarifë që merr shoqëria nga bashkia Tiranë është tarifa e depozitimit për mbetjet urbane të qytetit, e cila do tyë ishte tërësisht e pamjaftueshme sipas saj për të mbuluar investimet kolosale që po bëhen për këtë projekt.