Top News - Inagurohet konsullata në Ulqin. Hasani: Do të jetë nyje strategjike Inagurohet konsullata e përgjithshme e Shqipërisë në Ulqin. Ministri i punëve të jashtme, Igli Hasani e vlerësoi këtë moment si dëshmi e marrëdhënies së veçantë mes dy vendeve. Sipas tij, kjo konsullatë do të shërbejë si një nyje strategjike për të ndihmuar në forcimin e shkëmbimeve tregtare. “Në një kohë kur Shqipëria dhe Mali i Zi janë aleate dhe ndajnë një vizion të përbashkët për paqe, stabilitet dhe integrim evropian, ky hap përfaqëson një shtyllë të rëndësishme për thellimin e bashkëpunimit në të gjitha nivelet – politik, ekonomik, kulturor dhe njerëzor. Do të jetë një nyje strategjike për të ndihmuar në forcimin e shkëmbimeve tregtare, promovimin e investimeve, dhe rritjen e mundësive për zhvillim të qëndrueshëm, veçanërisht në sektorë si turizmi, energjia dhe infrastruktura.”