Pas ngjarjes së rëndë kriminale, ku 40-vjeçari Dan Hutra vrau tri gra dhe plaogsi tri të tjera, ka reaguar edhe Inspektoriati I Lartë I Drejtësisë. Ky institucion bëri me dije se po ndjek me vëmendje raportimet e medias mbi krimin makabër të një personi me precedentë të mëparshëm penalë. Në të njëjtën kohë ILD njofton se ka urdhëruar menjëherë nisjen e verifikimit të rastit për të identifikuar nëse ka apo jo përgjegjësi ligjore nga ana e magjistratëve. Autori Dan Hutra rezulton të jetë arrestuar 4 herë në 20 vitet e fundit dhe të ketë vuajtur dënimin për krime si pengmarrja, vrasja me paramendim, grabitja dhe dhuna në familje, teksa është liruar nga burgu vertëm më 16 shkurt të këtij viti. Pikërisht krimet e përsëritura ndaj femrave, që kanë kulmuar me ngjarjen makabre të mesditës së sotme, kanë nxitur edhe reagimin e Inspektoriatit të Lartë të Drejtësisë, që do të verifikojë mënyrën e trajtimit në ngjarjeve të mëparshme nga ana e prokurorëve dhe gjykatësve përkatës. Dan Hutra ra në prangat e policisë rreth orës 18:15 në zonën e Kombinatit, teksa me vete iu gjet edhe arma tip kallashnikov, me të cilën kreu masakrën.