Një 48 vjecar është vënë në pranga mëngjesin e kësaj të diele nga policia kufitare e Morinës, me qëllim ekstradimin drejt Gjermanisë. Në prangat e policisë është vënë shtetasi Arsim Delijaj banues në Istog të Kosovës. Policia bën me dije se ky i fundit është në kërkim ndërkombëtar për dy vepra penale. Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Gjermania, për veprat penale "Grabitje me dhunë" dhe "Kanosja". Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Gjermanisë, mbështetur në “Konventën Evropiane të Ekstradimit” të vitit 1957". Ndëkohë vijon puna nga ana e policisë për kapjen e personave në kërkim si dhe për vënien e tyre përpara përgjegjësisë.