Policia e Vlorës ka nisur hetimet ndaj një të mituri 15 vjeç, që dyshohet se ka hakeruar postat elektronike zyrtare dhe faqet e disa institucioneve shtetërore, duke nxjerrë jashtë funksionit një pjesë të tyre. Operacioni është zhvilluar nga policia e Vlorës pas sinjalizimit nga drejtoria e krimeve kibernetike në Drejtorinë e Përgjithshme të Policisë së Shtetit dhe Shërbimi Informativ Shtetëror. Identifikimi i të miturit si autor i dyshuar i këtyre ndërhyrjeve, policia thotë se është kryer pas një hetimi intensive njëmujor në kuadër të operacionit “Llogaritari”. 15 vjeçari dyshohet se gjatë muajit mars 2025 ka ndërhyrë në mënyrë të paautorizuar në të dhënat kompjuterike të disa institucioneve shtetërore email-e dhe faqe zyrtare, duke shkaktuar ndërprerjen e funksionimit të tyre për periudha të caktuara kohore.