Një 36-vjeçare e quajtur Fajila Patel po kandidon në zgjedhjet lokale për Këshillin e Borough-it të Blackburn në Angli. Nëse ka sukses Patel do të jetë këshilltarja e parë konservatore që do të veshë perçe, veshje myslimane që mbulon të gjithë trupin, përveç zonës rreth syve. Ajo me shembullin e saj dëshiron që të frymëzojë më shumë gra të ngjashme me të që të futen në politikë. Sipas mediave të huaja, 36 vjecarja ka edhe mbështetje nga bashkëshorti i saj Tiger Patel. Fajila është shprehur se nuk ka “shqetësime” për islamofobinë në partinë ku bën pjesë, pavarësisht se në një raport të majit të vitit 2021 thuhej se “ndjenjat anti-myslimane” mbeten ende një problem. Ndërsa përsa I përket komenteve të bëra kohë më parë nga Boris Johnson, teksa I krahasonte gratë që mbuloheshin me me grabitësit e bankave dhe me adoleshentë të rebeluar, Fajila Patel tha se këto fjalë të kryeminstrit janë të pajustifikueshme.