Tre shtetas shqiptarë, një prej të cilëve nën hetim nga SPAK, kanë rënë në prangat e policisë greke në një operacion të gjerë anti-drogë të zhvilluar në ishullin e Mikonos. Nga hetimi policor, doli në pah ekzistenca e një grupi kriminal, anëtarët e së cilës, të paktën që nga maji i vitit 2025, tregtonin sasi kokaine, marijuane dhe ekstazi në ishullin e famshëm grek të Mikonosit. Anëtarët e grupit ishin vendosur në tre banesa të marra me qira, ngjitur me njëra-tjetrën, të cilat i përdornin si baza për të ruajtur drogën. Pastaj ata udhëtonin ose me automjet privat ose me motoçikletë, të cilat i kishin si mjete “operative”, në zona të ishullit, ku ua shisnin substancat “klientëve” të tyre.