Nipi i ish-diktatorit Enver Hoxha, Ermal Hoxha është paraqitur në SPAK mesidtën e së hënës. Prokuroria e Posaçme nuk ka dalë me një komunikatë zyrtare në lidhje me thirrjen e tij. Por, ajo që dihet është se Ermal Hoxha ka qenë i dënuar për laboratorin e drogës në Xibrakë. Ai u dënua nga Gjykata e Krimeve të Rënda në korrik të 2017-ës me 10 vite burgim, por falë gjykimit të shkurtuar dënimi zbriti në 6 vite dhe 8 muaj burgim. Hoxha la qelinë e burgut të Fierit në 13 shtator 2018 teksa i kishin mbetur edhe 1 vit e 8 muaj burg, por përfitoi nga lirimi me kusht. Nipi i Enver Hoxhës u arrestua gjatë një aksioni ndërkombëtar i cili zbuloi një laborator kokaine në Xibrakë të Elbasanit. Operacioni "Xibraka" u zhvillua më 14 Janar të 2015, në pranga ranë 11 persona mes tyre edhe 2 shtetas kolumbianë.