Policia e Shtetit në koordimim me partnerët e FAST Luksemburgut, kanë finalizuar operacionin policor ‘Together’, për kapjen e shtetasve të kërkuar ndërkombëtarisht. Si rezultat I operacionit është venë në pranga shtetasi Edison Pula, 30 vjeç, i lindur në Krujë, i dënuar me 14 vjet burgim, për veprat penale “Vrasja me paramendim”, “Shkatërrimi i pronës me eksploziv”, “Vjedhja me dhunë”, armëmbajte pa leje, dhe “Largimi i të burgosurit nga vendi i qendrimit”. Edison Pula ka qenë pjesë e bandësë Niklës që vepronte në Fushë-Krujë, Tiranë dhe Durrës. Sipas njoftimit zyrtar të Policisë, gjatë këtij operacioni, në bazë të një urdhër arresti europian, të lëshuar nga autoritetet franceze, është vënë në pranga edhe shtetasi me iniciale A. S. 31 vjeç. Zyrat homologe të Interpolit po vijojnë bashkëpunimin, për finalizimin e procedurave të ekstradimit të këtyre shtetasve.