Me kërkesë të prokurorisë së Tiranës janë sekuestruar pasuritë e një shtetasi të dënuar për disa vepra penale si moskallzim të krimit, falsifikimi të dokumențave dhe prodhimit dhe shitjes së lëndëve narkotike. Në total janë sekuestruar dy pasuri të paluajtshme, njëra godinë banimi dhe shërbimi, ndërsa tjera njësi, si dhe një automjet i blerë në vitin 2005. Prokuroria bën me dije se Sokrat Cari i cili ka ndërruar jetë në vitin 2022 dhe familharët e tij nuk kanë pasur burime financiare për të krijuar dhe justifikuar pasuritë që zotëronin deri në vitin 2005. Për shkak se pasuria e tyre nuk justifikohet, prokuroria ngre dyshime se është krijuar si rezultat i përfshirjes së Sokrat Carit në aktivitetin e prodhim dhe shitje narkotikësh. Në vitin 2007 ky shtetas është shpallur fajtor për veprën penale falsifikim të dokumenteve, ndërsa në vitin 2011 u deklarua fajtor nga gjykata e Tiranës për dy akuza të tjera që lidhen me prodhimin dhe shitjen e narkotikëve, si dhe moskallëzim krimi, për të cilin është dënuar.