Dy pjesët e PD-së në parlament e lexojnë ndryshe rezultatin e zgjedhjeve të 14 majit. Pala e rreshtuar me Sali Berishën e mori në mbrojtje atë, duke përsëritur akuzat për vjedhje të votave e manipulim masiv të procesit zgjedhor. Edi paloka- Ne përballemi me një realitet që është ky, qeveri që përdor çdo mënyre për të vjedhur votat e shqiptarëve. Përgjegjësia jonë është që ose përballemi me këtë realitet me të gjithë mënyrat se si duhet të përballesh me një qeveri që nuk bën zgjedhje ose të shkojmë në shtëpi të gjithë. Berisha nuk ka pse të bëjë hap pas se këtë kërkon Rama. Të gjithë ata që bëjnë luftën që të iki Berisha duan që të lënë PD të shkalafitet. Tritan Shehu: Unë them që duhet të mendojmë si t’i kundërvihemi këtij regjimi që duhen të gjithë forcat opozitare të vendit të luftojnë. Ky regjim përballohet vetëm me një lëvizje të madhe, asgjë tjetër. Luan Baçi: Rezultati i 14 majit, vjedhje e paskrupullt e Ramës. Një betejë e pabarabartë dhe masakër zgjedhore. Opozita ka përgjegjësi dhe patjetër që do të jemi në konsultim të gjerë edhe për opozitën. Opinioni im është që vetëm vota të largon dhe askush tjetër. Vota e demokratëve dhe simpatizantëve. Votëbesim do të bëhet. Mes mbështetësve të Berishës ka edhe më të moderuar, si rasti i Salianjit. Sipas tij, edhe dorëheqja e Alibeajt është skemë për ta përçarë edhe më shumë PD-në. SALIANJI - Në mendimin tim opozita duhet të reflektojë dhe të merret me vete. Mendoj se secili të ulet dhe të tejkalojë edhe veten të bëjë të mundur që të gjenden mekanizmat e duhur që të hapemi drejt shoqërisë. Nuk mund të mbahet peng opozita. Ka skema për ta fragmentarizuar Akoma më shumë PD.