Një ngjarje e rëndë ka ndodhur gjatë orëve të para të paradites së të dielës në zonën e Kamzës, ku një 65-vjeçar ka humbur jetën pas rënies nga kati i tetë i një pallati në ndërtim. Viktima punonte si ndihmës elektricist në kantierin e ndërtimit, ku dyshohet se shkak i aksidentit është bërë mungesa e sigurisë teknike. Burimet për Top News bëjnë të ditur se megjithëse ngjarja ka ndodhur në orët e paradites, Policia e Shtetit nuk ka ende një njoftim zyrtar për aksidentin si dhe nuk ka asnjë të shoqëruar në lidhje me vdekjen e punëtorit. Po ashtu, nuk janë dhënë detaje të tjera mbi hetimet në lidhje me përgjegjësinë për sigurinë në kantierin e ndërtimit. Ky nuk është rasti i parë i regjistruar në vend, ku punëtorët humbin jetën në vendin e tyre të punës, kryesisht në sektorin e ndërtimit. Kushtet e këqija të punës dhe mungesa e përgjegjësisë për mbrojtjen e jetëve të punëtorëve janë faktorët kryesorë që ndikojnë në këto aksidente fatale.