Kryeministri i Kosovës, Avdullah Hoti deklaroi se prêt që masat e vendosura nga qeveria kundër pandemisë të japin rezultat, dhe qw gjatë dy javëve në vazhdim, numri I infektimeve në Kosovë, të përgjysmohet. “Unë pres që për një javë, e shumta dy të përgjysmohet numri i të prekurve. Ndoshta edhe për shkak të rritjes së efektivitetit të masave”, deklaroi Hoti. Sipas kryeministrit, qeveria është angazhuar maksimalisht në rritjen e kapaciteteve për menaxhimin e shpërthimit epidemik."Kemi filluar përgatitjet që në rast se thellohet vala e dytë dhe rritet numri i të infektuarve, ne të jemi të gatshëm për ta menaxhuar këtë situatë në periudhën afatgjatë. Kemi nisur procedurat për të siguruar edhe 100 mijë teste serologjike. Me udhëzimet e ekspertëve shëndetësorë do të shkojmë deri në 500 mijë vaksina të gripit sezonal si formë e imunizimit të qytetarëve”, sqaroi ai. Hoti shtoi se ashtu si vendet e tjera europiane ,edhe Kosova ka bërë porositë për vaksinën eventuale kundër COVID-19. Javët e fundit numri I të prekurve ishte shtuar shume. Për këtë arsye, ekzekutivi kosovar në fillim të këtij muaji, riktheu disa masa izoluese, përfshirë edhe ndalimin e qarkullimit të qytetarëve nga ora 21:00 deri në orën 05:00 në komunat ku kishte më shumë infektime.