33 persona, mes të cilëve zyrtarë dhe ish-zyrtarë të lartë, por dhe dogainer të Portit të Durrësit janë vendosur nën akuzë nga prokuroria e Durrësit për mbetjet e rrezikshme të kthyera mbrapsht nga Tajlanda. Hetimet e nisura nga tetori I vitit 2024 tashmë kanë përfunduar ndërsa hetuesit kanë vendosur para përgjegjësisë të gjithë personat që mendohet se kanë kryer shkelje në këtë rast. Alarmi për to u dha nga organizata amerikane Basel Action Netëortk që paralajmëroi se kontejnerë me mbetje toksike ishin nisur nga Shqipëria drejt Tajlandës. Sipas BAN ato përmbanin një substancë të rrezikshme prej metalesh toksike si kadmiumi dhe kromi, të cilat ishin të dëmshme për shëndetin dhe mjedisin, detaj që u konfirmua pas analizave të kryera në laboratotrët jashtë vendit nga ana e prokurorisë, Nga verifikimet e bëra nga organi I akuzës pas mbërritjes së anijeve rezultoi se kontejnerët ishin nisur nga kompania Sokolaj SHPK, pa një autorizim nga vendi pritës. pas ngritjes së alarmit nga BAN, Tajlanda vendosi që t’I kthej pas dhe të mos lejonte ngarkesën, që kishte mbërritur fillimisht në Cape Toën në Afrikën e Jugut. Pasi Tajlanda u tha jo 2800 ton mbetjeve të rrezkshme, anijet me kontenierët e ngarkaur u kthyen pas për t’u vendosur në porto Romano, ku u desh një periudhë e gjatë për gjetjen e një laboratory që bëri analizat e këtyre mbetjeve.