Të gjitha lotet e Unazës së Madhe janë duke u verifikuar nga Prokuroria e Posaccme Antikorrupsion. Organi i akuzës po heton mënyrën e ndërtimit, punimet e kryera, mbikqyrjen e tyre, tenderat që kanë qenë në garë dhe ato që janë shpallur fituese për ndërtimin e Unazës. Në sitën e prokurorit Dritan Prencci nuk është vetëm Loti 4, në të cilën u gjetën shkelje dhe u morën të pandehur disa persona mes të cilëve edhe numri dy i qeverisë Belinda Balluku, por edhe gjashtë lotet e tjera, për të cilat ka dyshime që janë kryer shkelje në paracaktimin e fituesit të tenderit. Sekuestrimi i aparateve celularë të ish kreut të ARRSH Evis Berberi, vuri në duart e prokurorisë komunikime të shumta të kryera mes tij dhe Belinda Ballukut si dhe biseda të zyrtarëve të tjerë në periudha të ndryshme, teksa SPAK pritet të zbërthejë edhe bisedat përgjatë viteve 2021-2023. Procedurat e ndjekura për ndërtimin e 7 loteve janë te ngjashme, me ndërhyrje, mbikqyrje dhe paracaktim të fituesit të tenderave nga ministrja e infrastukturës dhe energjisë Belinda Balluku, ashtu sic ndodhi edhe në rastin e Tunelit të Llogarasë.