Hetimi i nisur nga SPAK për kontratën e lobimit në vlerën e 6 mln dollarë që PD ka nënshkruar me një kompani amerikane, solli reagimin zyrtar të Partisë Demokratike, që e cilësoi prokurorinë e posaccme si vegël të Edi Ramës. Mesa duket kontrata e PD me avokatin e Presidentit Trump nuk ka trembur vetëm Ramën, por dhe veglat e tij. Në fakt, jo pa të drejtë! Pasi sot denoncimet e saj për McGonigal, përzierjen e karteleve të drogës të mbështetur nga Edi Rama dhe narkopolicia në procesin zgjedhor, përfshirë bashkëpunimin e heshtur të organeve të drejtësisë, kanë veshin e administratës dhe Kongresit të SHBA! Partia Demokratike tha se kartelët e drogës në Tiranë, Durrës, Elbasan dhe Shkodër janë përfshirë më fort se kurrë për të deformuar vullnetin e zgjedhësve, teksa shtoi se është transparente me kontratën.