Hillary Clinton do të dëshmojë para Kongresit Amerikan në lidhje me çështjen Epstein. Ish-Sekretarja e Shtetit, pritet të japë dëshminë e saj përmes një komunikimi virtua;, në një seancë me dyer të mbyllura. Ndërkohë, ish-presidenti amerikan Bill Clinton, do të dëshmojë një ditë më pas. Sipas mediave amerikane, seancat nuk do të zhvillohen fizikisht në Kongres dhe mbetet e paqartë se sa informacion do të bëhet publik. Çifti Clinton refuzoi për muaj me radhë të paraqitej për dëshmi në kuadër të hetimeve për Epstein. Demokratët kanë akuzuar kryetarin republikan të Komitetit të Mbikëqyrjes në Dhomën e Përfaqësuesve, James Comer, se po ndjek një proces të motivuar politikisht. Emri dhe fotografi të Bill Clinton shfaqen në dokumentet e hetimit ndaj Epstein, por ish-presidenti ka mohuar vazhdimisht çdo përfshirje në veprimtari të paligjshme.