Dëshmia e Alma Kacit, vajzës që u filmua në momente intime me Safet Gjicin, rezultoi të ishte kontradiktore me atë të ish kryebashkiakut. Sipas Kacit, ajo është takuar vetëm dy herë me Gjicin. Referuar deklaratës së saj, herën e parë që shkoi të prezanonte projektin për qentë, është ndjerë e ngacuar seksualisht nga ish kryebashkiaku dhe herën e dytë, vendosi vetë që ngacmimi të kalonte në një tjetër nivel. Mësohet se ajo ka thënë për grupin e hetimit se veprimin që ka kryer, nuk e ka bërë me detryrim, pasi ajo është beqare dhe kishte menduar sikur Gjici kishte pëlqim për të. Sipas Almës, kur la takim me ish kryebashkiakun për të folur për projektin e qenëve, ajo shkoi me një pajisje filmimi me vete, të cilën e kishte future brenda një gote kartoni. “Safet Gjici më shkruajti të shkoja në 9 e 30 dhe u nisa në zyrën e tij. U futa në zyrën e kryetarit ku kisha me vete çantën me dokumentet dhe pijen në kuti kartoni. Pasi hyra në zyrë lashë mbi tavolinë dokumentat, një dosje që kisha përgatitur dhe kryetari më tha ‘Lëri se flasim pastaj'. Unë i lashë dokumentet mbi tavolinë dhe çka ka ndodhur më pas është ajo që ka qarkulluar në rrjetet sociale”, thotë Kaci në dëshmi.