Seanca e kësaj të marte në Gjykatën e Posaçme për dosjen “Plumbi i Artë” dështoi për shkak se i pandehuri Henrik Hoxha nuk përfaqësohej me avokat. Avokati i tij i mëparshëm, Gent Rumano dha dorëheqjen në seancën e kaluar, ndërsa avokati tjetër i caktuar nga lista e avokatëve kryesisht nuk pranoi të mbrojë të pandehurin me argumentimin se është një proces i gjatë dhe nuk marrin pagesat për të vijuar këtë proces, në një kohë që janë të angazhuar në procese gjyqësore të tjera. Të pranishëm në këtë seancë kanë qenë të pandehurit, Nuredin Dumani, Skerdi Tase si dhe Erion Alibej.