Çelet qëndra e re e inovacionit të sigurisë dhe mbrojtjes. Kjo qëndër do i bashkëngjitet njësisë ushtarake të sigurisë kibernetike, një tjetër projekt për mbrojtjen në hapësirën virtuale, e ngritur falë mbështetjes së Shteteve të Bashkuara të Amerikës. Në ceremoninë e inagurimit, kryeministri Edi Rama u shpreh se kjo qëndër do të jetë një vatër e nxitjes së zhvillimit teknologjik Rama: “Kjo qendër, të cilës i bashkohet edhe Agjencia e re e Inovacionit dhe Ekselencës që ne kemi krijuar pikërisht për të pasur një forcë të brendshme lëvizëse në çdo dikaster qendror, në çdo ministri, është një bërthamë që premton shumë. Qëllimi është që FA-të tona, ushtria jonë, sistemi ynë i mbrojtjes të bëhet edhe një vatër e zhvillimit teknologjik përtej vetvetes.” Rama shpalosi ambicien që brenda vitit 2030, Shqipëria të ketë eksporte ushtarake “Made in Albania”.