Një operacion i policisë së Tiranës, ka arrestuar një 31-vjeçar dhe një 27-vjeçare, shtetas turq, për akuzën e shfrytëzimit të prostitucionit. Ata ishin shfrytëzuar dy shtetase të huaja për prostitucion. Nga hetimet e kryera nga Specialistët e Seksionit për Hetimin e Trafiqeve të Paligjshme, në bashkëpunim me Prokurorinë, u bë i mundur kapja e të dyshuarve për veprën penale “Shfrytëzimi i prostitucionit” kryer në bashkëpunim. Gjithashtu janë proceduar penalisht në gjendje të lirë dy shtetaset që ushtronin prostitucionin në një apartament në Rrugën e Barrikadave. Gjatë operacionit, janë sekuestruar 2500 euro dhe 200 dollarë, të dyshuara të përfituara nga ky aktivitet i paligjshëm, si dhe 3 celularë. Dosja është referuar për veprime të mëtejshme Prokurorisë së Tiranës.