Një shtetas i armatosur ka vënë në rrezik jetën e banorëvë në fshatin Prell në Mat. Mësohet se Bujar Kurbneshi, 40 vjeç, banues në fshatin Prell të Matit, ndodhej në oborrin e banesës së tij, në momentin kur ka qëlluar në ajër me armë zjarri pushkë, duke rrezikuar jetën e banorëve dhe kalimtarëve të rastit. Si pasojë një banor i zonës ka telefonuar shërbimet e komisariatit të policisë Mat. Pas marrjes së informacionit, uniformat blu kanë mbërritur menjëherë në vendngjarje ku kanë punuar për të neutralizuar situatën. Si pasojë e situatës të krijuar, është arrestuar në flagrancë Bujar Kurbneshi. Menjëherë pas vënies në pranga të 40 vjeçarit, policia ka vijuar punën kërkimore në banesën në pronësi të tij. Si rezultat janë gjetur dhe sekuestruar në cilësinë e në cilësinë e provës materiale arma e zjarrit pushkë, një sasi municioni luftarak dhe katër pako me lëndë plasëse. Materialet procedurale i kaluan Prokurorisë pranë Gjykatës së Shkallës së Parë Mat, për veprime të mëtejshme.