Hamasi po stërmundohet që të gjejë një lider të ri terrorist pasi Yahya Sinëar ka dalë jashtë radarit – thotë izraeli. Ai që është quajtur edhe Bin Ladeni i Gazës, po kërkohet nga forcat izraelite të mbrojtjes, që kanë premtuar se do ta kapin të gjallë apo të vdekur. 61 vjecari konsiderohet si organizatori i sulmit të 7 tetorit në izrael. Shefat e ushtrisë izraelite kanë premtuar ndërkohë se sulmi i tyre nuk do të ndalet deri sa bosi i terrorit të jetë i vdekur. Por, ministri i mbrojtjes, Yoav Gallant, tha së fundmi se tani, hamasi po kërkon me ankth një zëvëndësues të Sinvarit, që thuhet se është zhdukur prej javësh. Gallant tha se grupi po punon për të gjetur se kush do të kontrollojë rripin e Gazës pasi operacionet e hamasit në gaza janë kaotike. Ka shumë pikëpyetje se kush do ta zëvendësojë Sinvarin, por Mohamed Deif, mund të jetë njeriu që do të marrë në duar frenat. Shefi me një sy, i njohur si zëri anonim i luftës, ka qëndruar në hije prej vitesh. Një njeri misterioz, që zgjedh anonimitetin, ai është njohur prej kohësh si komandant i brigadave al Kassam, krahut ushtarak të hamasit. Për dekada të tëra, izraeli ka kërkuar Deif-in, ndërsa ky i fundit lëvizte në errësirë, përmes tuneleve të nëndheshme dhe shtëpive të sigurta në rripin e gazës. Ka vetëm dy foto ekzistuese të Deif-it dhe ai nuk është parë në publik prej dekadash. Figura hije është gjurmuar nga inteligjenca izraelite që nga vitet 1990, kur ai nisi të krijonte brigadat al Qassam. Në anën tjetër, Sinvar ka kaluar 22 vite në një burg izraelit për vrasje terroriste dhe komplote rrëmbimi. Ngritja e tij në krye të pemës së terrorit të hamasit, erdhi pavarësisht se ai ishte dënuar me katër burgime të përjetshme në 1989 për planifikimin e rrëmbimit dhe vrasjes së dy ushtarëve izraelitë si edhe vrasjen e katër palestinezëve që ai dyshonte se punonin për izraelin. Jeta e tij u shpëtua fillimisht pasi u operua në burg për kancer. Më pas në 2011, ai u lirua mes më shumë se 1000 palestinezëve të tjerë, në një shkëmbim të burgosurish për një ushtar të vetëm izraelit, një marrëveshje kjo që është kritikuar nga shumëkush.