Dhomat e Specializuara të Kosovës (DhSK) në Hagë I kanë vazhduar masën e paraburgimit ish-presidentit Hashim Thaçi, raporton “Betimi për Drejtësi”. Sipas vendimit, ish presidenti përbën rrezik për arratisje dhe kjo vërtetohet sipas Hagës, tek rëndësia e veprave penale për të cilat Thaçi akuzohet, qëllimet jo të mira ndaj ligjeve dhe rregullave të Dhomave të Specializuara të Kosovës. Përveç kësaj, përmendet edhe fakti që Thaçi vazhdon të marrë njohuri mbi provat që mbështesin akuzat kundër tij në këtë proces. Krahas rrezikut të arratisjes, në vendim thuhet se ka rrezik që ish presidenti të pengojë procedurat e Dhomat e Specializuara të Kosovës dhe të kryejë krime të tjera duke u referuar edhe në çështjen e tij për krime lufte. Ndërsa, sipas gjyqtares, asnjë kusht i lirimit nuk mund të zbus mjaftueshëm rreziqet ekzistuese përveçse në objektin e paraburgimit në Hagë.